Son munchos los vecinos de la zona rural que casi diariamente se dirixen a IX con problemes y necesidaes de los pueblos. Nun lleguen pidimientos de grandes actuaciones, lleguen con quexes al sentise escaecíos polConceyu, principalmente na falta de mantenimientu y caltenimientu.
Dexando aparte les principales agrupaciones de población como Blimea, Sotrondio y L’Entregu, la dispersión de los núcleos de población ye una realidáincuestionable, con ensame de pequeñes localidaesesvalixaes por tol conceyu qu'enzanca l'atención a les quexes vecinales.
Polo xeneral, la sensación de los vecinos y vecines de los nuesos pueblos, ye un sentimientu d'abandonu y olviduper parte del Conceyu. Nesi sentíu ye necesariu analizar la situación y ver que midíes puen tomase.
L'atención a estes pequeñes localidaes requier un plus d'esfuerzu coles mires d'afitar población y tratar d'atrayernuevos vecinos.
Pa ello, aparte de la intervención puntual y concreta ante un problema, hai que dir tomando dalguna mididamás estructural.
Más allá de les declaraciones de bones intenciones y compromisu cola zona rural que recueyen los distintos programes electorales, tien de buscase la concreción d'unplan d'intervención pa la zona rural.
Partiendo de la revisión de les necesidaes y prioridaeshai que ver midíes concretes.
Ye patente la necesidá de concretar midíes p'atenderles necesidaes de los nuesos pueblos de forma más efeutiva con unos oxetivos claros. D'esta miente, faciendomás curiosa la zona va afitase población; pa esti fin ye necesariu dir dando pasos si quier dase futuru.
Por tou ello, el Grupu Municipal d'IX propón pa la so aprobación l'alcuerdu siguiente:
ALCUERDU
• La organización d'una brigada-equipu de trabayadores municipales con dedicación permanente a la zona rural, centrando la so acción nelmantenimientu y caltenimientu.
• Empecipiar nel Conceyu un rigorosu analís sobre la situación de la zona rural del conceyu y de les midíes pal cambéu d'enclín.
No hay comentarios:
Publicar un comentario