17 de septiembre de 2013

Non al fracking

El responsable federal de Polítiques Enerxétiques d'Izquierda Xunida, Adolfo Abarrena, presentó güei la campaña estatal ‘NON al fracking’ que punxo en marcha esta formación en contra del usu d'esta técnica de quebra hidráulica pal llogru de recursos enerxéticos. Nuna rueda de prensa xuntu al coordinador federal, Cayo Lara, Barrena adelantró qu'IX va llevar ta negativa a toles instituciones autonómiques y municipales onde tien representación pa forzar l'alderique y, na midida de lo posible, frenar una técnica peligrosa pa la salú, tóxica y contaminante”.

Adolfo Abarrena esplicó qu'esta campaña “netamente esplicativa”, amás del material gráfico y audiovisual creáu a costa fecha pa les redes sociales y les actuaciones polítiques correspondientes nes instituciones, inclúi la movilización na cai a comuña coles organizaciones sociales que se tán movilizando contra'l ‘fracking’.

El dirixente federal fixo una curtia esposición na see de la formación en Madrid de les consecuencies qu'acarreta esta técnica, que calificó como “un pasu tras” frente a la política enerxética alternativa que defende IX. Destacó que pa la estracción de gas recurrir a la inyección nel sosuelu de productos químicos que producen reacciones dacuando non previstes” ente que los sos posibles efectos ta'l riesgu de seísmos.

Alegó tamién qu'el ‘fracking’ ye “percaru, tien graves consecuencies sobre los acuíferos, l'agricultura y el paisaxe”, precisa la ocupación d'enforma suelu y emplega muncha enerxía pa tratar de llograr otru tipu d'enerxía, “amás de suponer un riesgu pa la salú ambiental y de los ciudadanos”.

Barrena denunció que mientres un bon númberu de países han refugu yá esta técnica o establecieron prórrogues pa la mesma, el Gobiernu del PP, al traviés del ministru d'Industria, José Manuel Soria, apueste decididamente por ella y paez-y maraviyosa”.

Alvirtió que lo fai magar que la Comisión de Mediu Ambiente, Salú Pública y Seguridá del Parlamentu Européu señaló nun informe fecháu en 2011 les munches interrogantes que-y plantegaba la quebra hidráulica como técnica d'investigación y estracción de gas.

El próximu 2 d'ochobre la Unión Europea va aprobar previsiblemente la directiva que va obligar al endurecimientu de los controles sobre esta práctica. Barrena denunció yá la selmana pasada la presión de los lobbies enerxéticos pa torgar los controles sobre'l ‘fracking’. Al tiempu, defendió la puesta d'IX poles enerxíes anovables y por un nuevu modelu económicu que les desenvuelva y respete el mediu ambiente.

No hay comentarios:

Publicar un comentario